【外遊注意】粗暴對待寄艙行李隨時變垃圾

0
581

有時出外旅行回來時發現行李無緣無故「傷痕纍纍」,如果用嘅係名牌行李喼,更加心都赤埋。

一名英國女子乘搭瑞安航空(Ryanair)由西班牙馬拉加返家,在曼徹斯特機場目睹自己嘅行李喼遭行李搬運員粗暴對待。兩名工人負責搬運行李,其中一人從運輸帶拎起行李後,大力丟向後面嘅運輸車,因衝力太大,行李應聲滾至地面。事主取回行李後,發現行李喼被撞凹了,保護層亦不幸被毀。影片上載到互聯網,片段吸引到120萬人次觀看,網民紛紛批評員工做法不當。

    其實掟行李呢種事,世界各地都時有聽聞,想避免旅程受影響或財物損失,建議以下自保行李嘅方法

  1. 善用行李帶
    行李喼本身只有2-3個鎖,未必夠隱固去承受撞擊力。用行李帶穩穩紮住,就算行李不幸爆開,喼內物件都唔會跌哂出黎
  2. 使用四輪行李箱
    工作人員搬運行李時,有四個輪子的行李箱可以方便推動,無嘅話只好翻轉佢、扔佢、踢佢。
  3. 名牌未必係最好
    傳聞搬行李人員專揀某德國名牌行李喼做被扔嘅目標,「測試」佢堅固程度。雖然佢採用鋁鎂合金,保護力強,但見到一條條花痕真係好肉痛!
  4. 購買旅遊保險
    機票上的條款列明左有啲物品損壞不會賠償,,如果你寄艙某啲特別行李時,想有保障的話,都係買定行李損失嘅保險。